ಆಸ್ತಿಕರಿಗಿಂತ ನಾಸ್ತಿಕರು ಲೈಂಗಿಕವಾಗಿ ಹೆಚ್ಚು ಸಂತುಷ್ಟರು?

Athiests are sexually more satisfied
 
ಗಂಡ ಹೆಂಡಿರ ಜಗಳ ಉಂಡು ಮಲಗುವ ತನಕ... ಈ ಗಾದೆ ಮಾತು ಕೇಳಿ ಕೇಳಿ ಸಾಕಾಗಿದೆ. ಇದಕ್ಕೆ ಸರಿಸಮನಾದ ಬೇರೆ ಗಾದೆ ಇದ್ದರೆ ಹೇಳಿ. ಕಾಲವೂ ಬದಲಾಗಿದೆ, ಸಂಬಂಧಗಳೂ ಬದಲಾಗುತ್ತಿವೆ, ನಂಬಿಕೆಗಳು, ಅಗತ್ಯಗಳು ಬದಲಾಗುತ್ತ ಸಾಗಿವೆ. ಧಾರ್ಮಿಕ ಆಚರಣೆಗಳೂ ಕೂಡ ನಮ್ಮ ಜೀವನದಲ್ಲಿ ಸಾಕಷ್ಟು ಬದಲಾವಣೆಗೆ ಕಾರಣವಾಗುತ್ತವೆ. ಒಂದು ಅಧ್ಯಯನದ ಪ್ರಕಾರ, ಆಸ್ತಿಕರಿಗಿಂತ ನಾಸ್ತಿಕರು ಲೈಂಗಿಕವಾಗಿ ಹೆಚ್ಚು ಸಂತುಷ್ಟರಾಗಿತ್ತಾರೆ.

ಗಂಡು ಹೆಣ್ಣಿನ ಲೈಂಗಿಕ ಸಂಬಂಧ ಪರಸ್ಪರ ನಡೆಸುವ ಚರ್ಚೆಗಳ ಮೇಲೂ ಅವಲಂಬಿತವಾಗಿರುತ್ತವೆ. ಮಾತುಕತೆ ನಡೆಸುವುದರ ಮೂಲಕ ಅನೇಕ ಸಮಸ್ಯೆಗಳಿಗೆ ಪರಿಹಾರಗಳನ್ನು ಕಂಡುಕೊಳ್ಳಬಹುದು ಎಂಬುದು ಸಾರ್ವಕಾಲಿಕ ಸತ್ಯ. ಈ ಅಧ್ಯಯನ ಹೇಳಿದ್ದೇನೆಂದರೆ, ಧಾರ್ಮಿಕ ಆಚರಣೆಗಳಲ್ಲಿ ಹೆಚ್ಚು ನಂಬಿಕೆ ಇರುವವರು ಲೈಂಗಿಕತೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ತಮ್ಮ ಸಂಗಾತಿಯ ಜೊತೆಗೆ ಹಂಚಿಕೊಳ್ಳುವುದಿಲ್ಲ ಅಥವಾ ಹಿಂಜರಿಯುತ್ತಾರೆ.

ಪರಸ್ಪರ ಚರ್ಚೆಗಳು ನಡೆಯದಿದ್ದರಿಂದ ಸಮಸ್ಯೆಗಳು ಸಮಸ್ಯೆಗಳಾಗಿಯೇ ಉಳಿದುಬಿಡುತ್ತವೆ ಮತ್ತು ಲೈಂಗಿಕ ಆಚರಣೆಗೆ ಸಾಕಷ್ಟು ಹಾನಿ ಉಂಟು ಮಾಡುತ್ತವೆ. ಅಮೆರಿಕದ ಕನ್ಸಾಸ್ ವಿಶ್ವವಿದ್ಯಾಲಯದ ಮನಶ್ಶಾಸ್ತ್ರಜ್ಞರಾದ ಡರೆಲ್ ರೇ ಮತ್ತು ಅಮಂಡಾ ಬ್ರೌನ್ ಎಂಬಿಬ್ಬರು ನಡೆಸಿದ ಅಧ್ಯಯನದಿಂದ ಈ ವಿಷಯ ತಿಳಿದುಬಂದಿದೆ.

ಈ ಅಧ್ಯಯನದಿಂದ ಮತ್ತಷ್ಟು ತಿಳಿದುಬಂದಿದ್ದೇನೆಂದರೆ, ಧಾರ್ಮಿಕ ಭಾವನೆಯುಳ್ಳವರು ಮತ್ತು ಇರದವರು ಇಬ್ಬರೂ ಲೈಂಗಿಕ ಆಚರಣೆಗಳಲ್ಲಿ ತೊಡಗುತ್ತಾರೆ. ಆದರೆ, ಹೆಚ್ಚು ಸಂತೃಪ್ತಿ ಹೊಂದುವವರು ಧಾರ್ಮಿಕ ಆಚರಣೆಯಲ್ಲಿ ನಂಬಿಕೆ ಇಲ್ಲದವರು. ಧಾರ್ಮಿಕ ಆಚರಣೆಯಲ್ಲಿ ಇರುವ ಹೆಚ್ಚು ನಂಬಿಕೆಯೇ ಅವರಲ್ಲಿ ಒಂದು ಬಗೆಯ ತಪ್ಪಿತಸ್ಥ ಭಾವನೆಯನ್ನು ತುಂಬುತ್ತದೆ. ನಂಬುತ್ತೀರಾ?

English summary
A study says that atheists or the people who have less belief in religious activity are sexually more satisfied than who do follow and who believe in the existence of God. Is this true?
Story first published: Friday, May 27, 2011, 15:01 [IST]
Please Wait while comments are loading...