ಅಂಜಿಕೆ ಇನ್ನೇಕೆ ಲೈಂಗಿಕ ಆಟಿಕೆ ಕೊಳ್ಳೋಕೆ!

Sex toys retail shop in Chennai
 
ಈ ಸುದ್ದಿ ಕೇಳಿ ಕಿಸಕ್ಕನೆ ನಗಬೇಡಿ ಅಥವಾ ಅಚ್ಚರಿಯಿಂದ ಬೆರಳು ಕಚ್ಚಬೇಡಿ ಅಥವಾ ಹೀಗೂ ಉಂಟೆ ಅಂತ ಮೂಗಿನ ಮೇಲೆ ಬೆರಳು ಇಡಬೇಡಿ. ಇದು ಸತ್ಯ. ಲಂಗ ದಾವಣಿ ಹಾಕುವ ಹುಡುಗಿಯರನ್ನೇ ಹೆಚ್ಚು ಕಾಣುವ ಸಾಂಪ್ರದಾಯಿಕ ನಗರಿ ಚೆನ್ನೈನಲ್ಲಿ ಲೈಂಗಿಕ ಆಟಿಕೆಗಳು, ಕಾಂಡೋಮ್ ಗಳು ಬಿಸಿಬಿಸಿ ಮಿನಿ ಇಡ್ಲಿಯಂತೆ ಮಾರಾಟವಾಗುತ್ತಿವೆ.

ಸಂಪ್ರದಾಯದ ಕಟ್ಟುಪಾಡಿನ ಗೂಡಿನೊಳಗೆ ಹುದುಗಿ ಕುಳಿತಿದ್ದ ಮಹಿಳೆಯರನೇಕರು ಬಿರುಬಿಸಿಲನ್ನೂ ಲೆಕ್ಕಿಸದೆ ಲೈಂಗಿಕ ಆಟಿಕೆಯ ಅಂಗಡಿಗೆ ನುಗ್ಗಿ ಅವಶ್ಯಕವಿರುವ ಟಾಯ್ಸ್ ಗಳನ್ನು ನಿರ್ಭಿಡೆಯಿಂದ ಕೊಳ್ಳುತ್ತಿದ್ದಾರೆ. ಎರಡೇ ವಾರದಲ್ಲಿ ಅಂಗಡಿ ಮುಚ್ಚಿಕೊಂಡು ಹೋಗಬೇಕಾಗಬಹುದೆಂದು ಅನಿಸಿದ ಮಾಲಿಕರಿಗೆ ಭರ್ಜರಿ ಲಾಭದ ಅಚ್ಚರಿಯೋ ಅಚ್ಚರಿ.

ಭಾನುವಾರ, ಸೆಪ್ಟೆಂಬರ್ 4 ವಿಶ್ವ ಲೈಂಗಿಕ ಆರೋಗ್ಯ ದಿನ. ಅಂದು ನಡೆದ ಸೆಮಿನಾರೊಂದರಲ್ಲಿ ಲೈಂಗಿಕ ತಜ್ಞರಾಗಿರುವ ಡಾ. ಡಿ ನಾರಾಯಣ ರೆಡ್ಡಿ ಒಂದು ಇಂಟರೆಸ್ಟಿಂಗ್ ಅಂಶವನ್ನು ಬಯಲು ಮಾಡಿದ್ದಾರೆ. ಅವರ ಪ್ರಕಾರ, ಇಂಥ ಆಟಿಕೆಗಳನ್ನು ಬಹುತೇಕರು ಕುತೂಹಲದಿಂದ ಕೊಳ್ಳುತ್ತಿದ್ದರೆ, ಸಂಗಾತಿ ಇಲ್ಲದವರು ಮತ್ತು ಲೈಂಗಿಕ ತೊಂದರೆಯಿಂದ ಬಳಲುತ್ತಿರುವವರು ಕದ್ದುಮುಚ್ಚಿಯಾದರೂ ಆಟಿಕೆಗಳನ್ನು ಕೊಳ್ಳುತ್ತಿದ್ದಾರೆ.

ಪ್ರತಿಯೊಬ್ಬರಿಗೂ ಲೈಂಗಿಕ ಆಸಕ್ತಿ ಇದ್ದೇ ಇರುತ್ತದೆ. ಕೆಲವರು ಅದರ ಬಗ್ಗೆ ಅಥವಾ ತೊಂದರೆಗಳ ಬಗ್ಗೆ ಮುಚ್ಚುಮರೆಯಿಲ್ಲದೆ ಹೇಳಿಕೊಳ್ಳುತ್ತಾರೆ, ಕೆಲವರು ಒಳಗೊಳಗೇ ಬಚ್ಚಿಟ್ಟುಕೊಂಡು ಕೊರಗುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಲೈಂಗಿಕ ತಜ್ಞರೇ ಇಂತಹ ಆಟಿಕೆಗಳನ್ನು ಕೊಳ್ಳಲು ಶಿಫಾರಸು ಮಾಡುತ್ತಿದ್ದಾರೆ ಎಂಬುದು ರೆಡ್ಡಿ ವಿಶ್ಲೇಷಣೆ.

"ಅಣ್ಣಾನಗರದಲ್ಲಿ ಇರುವ ಈ ಅಂಗಡಿಯನ್ನು ತೆರೆದಾಗ ವೈಬ್ರೇಟರ್ ಮತ್ತು ಕಾಮಕ್ಕೆ ಅಣಿಗೊಳಿಸುವ ಸಾಧನಗಳನ್ನು ಕೇಳಿದಾಗ ನಾವೇ ನಕ್ಕಿದ್ದಿದೆ. ಆದರೆ, ವೈಬ್ರೇಟರುಗಳಿಗೆ ಬೇಡಿಕೆ ಹೆಚ್ಚಾದಂತೆ ಪರಿಸ್ಥಿತಿಯ ಗಂಭೀರತೆಯೂ ಗಮನಕ್ಕೆ ಬಂದಿತು" ಎಂದು ಅಂಗಡಿಯಲ್ಲಿ ಕೆಲಸ ಮಾಡುವ ಸತೀಶ್ ಕುಮಾರ್ ಅವರ ಅನಿಸಿಕೆ.

English summary
A retail shop for sex toys has been opened in Anna Nagar in Chennai. Vibrators, sex aids, condoms are being sold like hot mini idlies in the conservative Tamilnadu. Sexologist Dr Narayana Reddy says, people with curiosity, with no partners and with sexual dysfunction are buying the toys more.
Story first published: Monday, September 5, 2011, 15:53 [IST]
Please Wait while comments are loading...