ಅಶ್ವಗಂಧ ಬಳಸಿ ನಿಮಿರು ದೌರ್ಬಲ್ಯವನ್ನು ಒದ್ದೋಡಿಸಿ

ಅಶ್ವಗಂಧದ ಬಳಕೆಯಿಂದ ವೀರ್ಯ ಹೆಚ್ಚು ಉತ್ಪನ್ನ

ಆಯುರ್ವೇದ ಔಷಧ ಅಂಗಡಿಯಿಂದ ಅಶ್ವಗಂಧ ತಂದು ಒಂದು ಟೀಸ್ಪೂನ್ ಪುಡಿಯನ್ನು ತುಪ್ಪದೊಂದಿಗೆ ಬೆರೆಸಬೇಕು. ಅದನ್ನು ಪೇಸ್ಟ್ ರೀತಿಯನ್ನು ಚೆನ್ನಾಗಿ ಕಲೆಸಿ, ಹಾಲಿನೊಂದಿಗೆ ಚೆನ್ನಾಗಿ ಬೆರೆಸಬೇಕು.

ಎಷ್ಟು ದಿನ ತೆಗೆದುಕೊಳ್ಳಬೇಕು?

ಪ್ರತಿದಿನ ಬೆಳಿಗ್ಗೆ ತಿಂಡಿಯನ್ನು ತಿಂದ ನಂತರ ಮೇಲಿನಂತೆ ಕಲಿಸಿಟ್ಟ ಪೇಸ್ಟನ್ನು ಹಾಲಿನೊಂದಿಗೆ ಚೆನ್ನಾಗಿ ಮಿಕ್ಸ್ ಮಾಡಿ ಸತತ 30 ದಿನಗಳ ಕಾಲ ಸೇವಿಸಬೇಕು. 30 ದಿನಗಳು ಕಳೆಯುತ್ತಿದ್ದಂತೆ ನಿಮ್ಮಲ್ಲಿ ಪೌರುಷ ಮರಳುತ್ತಿರುವುದು ಅರಿವಿಗೆ ಬರುತ್ತದೆ.

ನೀವು ನಿರ್ವೀರ್ಯತೆಯಿಂದ ಬಳಲುತ್ತಿದ್ದರೆ

ನಿಮಿರುವಿಕೆಯನ್ನು ಗಟ್ಟಿಗೊಳಿಸಲು ಮಾತ್ರವಲ್ಲ ನಿಮ್ಮಲ್ಲಿ ವೀರ್ಯತೆ ಉತ್ಪನ್ನದ ಕೊರೆಯಿದ್ದರೂ ಇದನ್ನು ಸೇವಿಸಬಹುದು. ಅರ್ಧ ಚಮಚ ಅಶ್ವಗಂಧ ಪುಡಿಯನ್ನು ಅರ್ಧ ಚಮಚ ಸಕ್ಕರೆ ಪುಡಿಯೊಂದಿಗೆ ಬೆರೆಸಿ, ಅದನ್ನು ಉಗುರುಬೆಚ್ಚಗಿನ ಹಾಲಿನೊಂದಿಗೆ ಬೆರೆಸಿ ಕುಡಿಯಿರಿ. 30 ದಿನಗಳ ಕಾಲ ಸೇವಿಸಿದರೆ ವೀರ್ಯೋತ್ಪನ್ನ ಹೆಚ್ಚಿರುತ್ತದೆ.

ಶೀಘ್ರ ಸ್ಖಲನವನ್ನು ಹತೋಟಿಗೆ ತರಲು

ನಿಮಿರು ದೌರ್ಬಲ್ಯವಿರುವುದಿಲ್ಲ, ವೀರ್ಯೋತ್ಪನ್ನದಲ್ಲಿ ಕೊರತೆಯಿರುವುದಿಲ್ಲ. ಆದರೆ, ಕೆಲವೊಬ್ಬರು ಶೀಘ್ರ ಸ್ಖಲನದ ತೊಂದರೆಯಿಂದ ಬಳಲುತ್ತಿರುತ್ತಾರೆ ಮತ್ತು ಈ ಕಾರಣದಿಂದ ಸುಖಿಸಲು ವಿಫಲರಾಗಿರುತ್ತಾರೆ. ಅಂಥವರು ಕೂಡ ಒಂದು ಟೀಸ್ಪೂನ್ ಅಶ್ವಗಂಧದ ಪುಡಿಯನ್ನು ಜೇನಿನೊಂದಿಗೆ ಬೆರೆಸಿ ಸೇವಿಸಿ. ಇದರಿಂದ ಶೀಘ್ರಸ್ಖಲನಕ್ಕೆ ಬ್ರೇಕ್ ಬೀಳುವುದು ಮಾತ್ರವಲ್ಲ, ಅಚ್ಚರಿಯಾಗುವಂತೆ ವೀರ್ಯ ಪುಟಿದೇಳುವಂತೆ ಉತ್ಪತ್ತಿಯಾಗುತ್ತದೆ.

ಯಾರು ತೆಗೆದುಕೊಳ್ಳಬೇಕು

ನಿಮಿರು ವೈಫಲ್ಯ, ವೀರ್ಯದ ಕೊರತೆ, ಶೀಘ್ರ ಸ್ಖಲನದಿಂದ ಬಳಲುತ್ತಿರುವವರು ಕನಿಷ್ಠ 30ರಿಂದ 40 ದಿನಗಳ ಕಾಲ ತಪ್ಪದೆ ತೆಗೆದುಕೊಳ್ಳಬೇಕು. ವಯಸ್ಸು 40 ದಾಟಿದ್ದರೆ, ಪೂರ್ತಿ ಲಾಭ ಪಡೆಯಬೇಕಿದ್ದರೆ ಮೂರು ತಿಂಗಳ ಕಾಲ ಸೇವಿಸಿ. ಆದರೆ, ಇದನ್ನು ಸೇವಿಸುವ ಮುನ್ನ ವೈದ್ಯರನ್ನು ಸಂಪರ್ಕಿಸಿ, ಅವರ ಸಲಹೆ ಪಡೆದ ನಂತರವೇ ಸೇವಿಸುವುದು ಉತ್ತಮ.