ಲೈಂಗಿಕತೆ ನಂಬಿಕೆಗಳು ಎಷ್ಟು ನಿಜ? ಎಷ್ಟು ಸುಳ್ಳು?

Lovemaking myths Men
 
ಪ್ರೌಢಾವಸ್ಥೆಗೆ ಬಂದ ಯುವಕರ ಲೈಂಗಿಕಾಸಕ್ತಿ ಹಾಗೂ ಚಟಗಳು ಪರಸ್ಪರ ಕೈ ಕೈ ಹಿಡಿದು ಜೊತೆಜೊತೆಗೆ ಸಾಗುತ್ತವೆ. ಕುಂತರೂ, ನಿಂತರೂ, ನಡೆದಾಡುವಾಗಲೂ ಎಲ್ಲಾ ಸಮಯದಲ್ಲೂ ಸೆಕ್ಸ್ ಅನ್ನುವ ವೈರಸ್ ಅನ್ನು ತಲೆಯಲ್ಲಿ ತುಂಬಿಕೊಂಡರೆ ಕೊಂಚ ಅಸಹಜ ಹಾಗೂ ಮುಜುಗರ ಎನಿಸುತ್ತದೆ.

ಪುರುಷರಿಗೆ ಸದಾ ಅದೇ ಚಿಂತೆ ಎಂದು ನಿಮ್ಮ ಸಂಗಾತಿಗೆ ಬೇಸರ ತರಿಸಬಹುದು. ಮಾನಸಿಕವಾಗಿ ಆಕೆ ತತ್ತರಿಸುವಷ್ಟು ನಿಮ್ಮ ಉತ್ಕಟತೆ ನಿಮಗರಿವಿಲ್ಲದ್ದಂತೆ ಬೆಳೆದುಬಿಡುತ್ತದೆ. ನಿತ್ಯದ ಅಭ್ಯಾಸ ದಿನಕಳೆದಂತೆ ಚಟವಾಗಿ ಬಿಡುತ್ತದೆ. ಈ ರೀತಿ ಪುರುಷರ ಲೈಂಗಿಕಾವಸ್ಥೆಯ ನಂಬಿಕೆ, ಅಪನಂಬಿಕೆ, ಅಭ್ಯಾಸಗಳತ್ತ ಇಣುಕು ನೋಟ ಇಲ್ಲಿದೆ. ಇಲ್ಲಿರುವ ಸಂಗತಿಗಳು ಅಮೆರಿಕದ ವೈದ್ಯರೊಬ್ಬರ ಸಂಶೋಧನೆಯ ವರದಿಯಾದರೂ ಗಂಡಸರು ಎಲ್ಲೆಡೆ ಇದ್ದರೂ ಆ ವಿಷಯದಲ್ಲಿ ಎಲ್ಲರೂ ಒಂದೇ.

*ವಿವಾಹಿತರು vs ಅವಿವಾಹಿತರು : ವಿವಾಹಿತರಿಗೆ ಹೋಲಿಸಿದರೆ ಅವಿವಾಹಿತ ಪುರುಷರು ಉತ್ತಮ ಲೈಂಗಿಕ ಸುಖ ಅನುಭವಿಸುತ್ತಾರೆ ಎಂಬ ನಂಬಿಕೆಯಿದೆ. ಆದರೆ, ಸತ್ಯಕ್ಕೆ ದೂರವಾದ ಮಾತು. ಮದುವೆಯಾದ ಪುರುಷರಿಗೆ ಹೆಚ್ಚಿನ ಆತ್ಮವಿಶ್ವಾಸದಿಂದ ಸಂಗಾತಿಯೊಡನೆ ಬೆರೆತು ಸಂಭೋಗ ಸುಖ ಅನುಭವಿಸುವ ಅವಕಾಶವಿರುತ್ತದೆ ಎನ್ನುತ್ತದೆ ಸಮೀಕ್ಷೆ.

* ಪುರುಷರು ಹಾಗೂ ಲೈಂಗಿಕ ಕ್ರಿಯೆ: ಸಮೀಕ್ಷೆ ಪ್ರಕಾರ ಪುರುಷರು ಹಾಗೂ ಲೈಂಗಿಕಾಸಕ್ತಿ ಬಗ್ಗೆ ಕೆಲ ಮಹಿಳೆಯರು ಹೇಳುವುದು ಹೀಗೆ: ನಮ್ಮವರಿಗೆ ಒಂದು ರಾತ್ರಿ ಕೂಡಾ ಕಾಮನೆಗಳನ್ನು ಅದುಮಿಡಲು ಆಗುವುದಿಲ್ಲ. ಇದು ಒಂದು ರೀತಿ ವೈಜ್ಞಾನಿಕವಾಗಿ ಸಾಬೀತಾಗಿರುವ ವಿಷಯ. ನೆಚ್ಚಿನ ಸಂಗಾತಿ ಜೊತೆಗಿರುವಾಗ ಅಥವಾ ಆಕೆಯ ಬಗ್ಗೆ ಮನಸ್ಸು ಹರಿದ ಪ್ರತಿ 7 ಸೆಕೆಂಡಿಗೊಮ್ಮೆ ಆಕೆಯೊಡನೆ ಕಾಮಕೇಳಿ ಆಡುವ ಕನಸು ಪುರುಷರ ಮನದಲ್ಲಿ ಸುಳಿಯುತ್ತದಂತೆ. ಆದರೆ, ಪುರುಷರ ಈ ಅಸಹಜ ಉತ್ಕುಟತೆಯಿಂದ ಸಂಸಾರ ಸಾಂಗತ್ಯದಲ್ಲಿ ಬಿರುಕು ಮೂಡಬಹುದು. ಎಲ್ಲವೂ ದೈಹಿಕವಾಗಿ ಬಿಟ್ಟರೆ ಪ್ರೀತಿ ಪ್ರೇಮಕ್ಕೆ ಅರ್ಥವಿರುವುದಿಲ್ಲ ಎಂಬುದು ಪುರುಷರಿಗೆ ಸ್ವಲ್ಪ ನೆನಪಿದ್ದರೆ ಒಳಿತು.

* ಪುರುಷರು ಹಾಗೂ ಜನನಾಂಗ: ಲೈಂಗಿಕ ಶಿಕ್ಷಣದ ಕೊರತೆ, ಅರ್ಧಂಬರ್ಧ ತಿಳಿದ ಅಜ್ಞಾನಿಗಳ ಮಾತುಗಳು ಎಷ್ಟೋ ಪುರುಷರ ಜೀವನ ಹಾಳುಗೆಡಸಿಬಿಡುತ್ತದೆ. ಹಿರಿದಾದ ಬಲಿಷ್ಠವಾದ ಶಿಶ್ನ ಇದ್ದರೆ ಮಾತ್ರ ಉತ್ತಮ ಲೈಂಗಿಕ ಆನಂದ ಹೊಂದಳು ಸಾಧ್ಯ ಎಂಬ ಬಲವಾದ ನಂಬಿಕೆಯಲ್ಲಿ ಅರ್ಥವಿಲ್ಲ. ಇಂಚುಗಳ ಲೆಕ್ಕ, ಉದ್ರೇಕಗೊಂಡ ಜನನಾಂಗ ಪಾದಕ್ಕೆ ಸಮಾನಂತರವಾಗಿ ಹೊಂದಬೇಕು, ಇಷ್ಟು ಗಾತ್ರವಿದ್ದರೆ ಮಾತ್ರ ಕಾಮಕ್ರೀಡೆಯಲ್ಲಿ ಜಯ ಎಂಬ ಆಧಾರ ರಹಿತ ಮಾಹಿತಿಯನ್ನು ತಲೆಯಲ್ಲಿ ತುಂಬಿಕೊಳ್ಳುವುದನ್ನು ಬಿಟ್ಟುಬಿಡಿ. ಜನನಾಂಗ ಹಿಗ್ಗುವಿಕೆಯಿಂದ ಮಾತ್ರ ಕಾಮ ತೃಪ್ತಿ ಸಾಧ್ಯ ಎಂಬ ನಂಬಿಕೆ ಇನ್ನೂ ಹೋಗದಿದ್ದರೆ ವೈದ್ಯರಿಂದ ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳಿ. ಗುಳಿಗೆ ಅಗ್ಗದ ನುಂಗಿ ಒಂದೇ ರಾತ್ರಿಯಲ್ಲಿ ಬಲಭೀಮನಂತೆ ಕುಸ್ತಿಗೆ ಇಳಿಯಬೇಡಿ.

* ವೀರ್ಯಾಣು ಹಾಗೂ ಕ್ಯಾಲೋರಿ ಸಮಸ್ಯೆ: ವೀರ್ಯಾಣು ನಾಶದಿಂದ ನಿಃಶಕ್ತಿ, ಮಾನಸಿಕ ಅಸ್ಥಿರತೆ ಇದು ಅವಿವಾಹಿತ ಯುವಕರನ್ನು ಕಾಡುತ್ತದೆ. ಆದರೂ, ಅನಿಯಮಿತವಾಗಿ ಹಸ್ತಮೈಥುನ ನಿಲ್ಲದೆ ಸಾಗುತ್ತಿರುತ್ತದೆ. ಒಳಗೊಳಗೆ ಕೊರಗುತ್ತಿರುತ್ತಾರೆ. ವೀರ್ಯಾಣು ನಾಶದಿಂದ ದೈಹಿಕವಾಗಿ ಯಾವುದೇ ಬದಲಾವಣೆಗಳಾಗುವುದಿಲ್ಲ. ಒಂದು ಹನಿ ವೀರ್ಯಾಣು ಉತ್ಪಾದನೆಗೆ ಒಂದಿಷ್ಟು ಪ್ರೋಟಿನ್, 40 ಹನಿ ರಕ್ತ ಸಾಕು. ಆದರೆ, ಇವಿಷ್ಟು ಒಂದೆರಡು ಬ್ರೆಡ್ ಪೀಸ್ ಸೇವನೆಯಲ್ಲೇ ಸಿಗುತ್ತದೆ. ಆದ್ದರಿಂದ ವೀರ್ಯ ನಾಶದ ಭಯಬೇಡ. ಆದರೆ, ಅನಗತ್ಯವಾಗಿ ಮನಸ್ಸು ಕಾಮಪ್ರಚೋದನೆಗೊಳ್ಳುವುದನ್ನು ನಿಯಂತ್ರಿಸುವುದು ಅಗತ್ಯ.

ಕ್ಯಾಲೋರಿ ಸಮಸ್ಯೆ: ಇದು ಸ್ವಲ್ಪ ವಿಚಿತ್ರ ಎನಿಸಬಹುದು. ನಿಮ್ಮ ಸಂಗಾತಿ ದಪ್ಪಗಾಗಬೇಕೆ. ವೀರ್ಯ ಸೇವನೆ ಅತ್ಯುತ್ತಮ ಆಹಾರ ಏಕೆಂದರೆ ವೀರ್ಯದಲ್ಲಿ ಹೆಚ್ಚಿನ ಕ್ಯಾಲೋರಿ ಇರುತ್ತದೆ ಎಂಬ ವಿಚಿತ್ರ ನಂಬಿಕೆ ಪುರುಷರಲ್ಲಿ ಮನೆ ಮಾಡಿದೆ. ಇದಕ್ಕೆ ಯಾವುದೇ ಆಧಾರವಿಲ್ಲ. ವೀರ್ಯದಲ್ಲಿ ವಿಟಮನ್ ಸಿ, ನೀರು, ಖನಿಖ, ಕ್ಯಾಲ್ಸಿಯಂ ಹಾಗೂ ಮೆಗ್ನೇಶಿಯಂ ಅಲ್ಲದೆ ಪ್ರೊಟೀನ್ ಇದೆಯಾದರೂ ವೀರ್ಯ ಸೇವನೆಯಿಂದ ಕ್ಯಾಲೋರಿ ಹೆಚ್ಚಳವಾಗುತ್ತದೆ ಎಂಬುದು ಸತ್ಯಕ್ಕೆ ದೂರವಾದ ಮಾತು. ಲೀಟರ್ ಗಟ್ಟಲೆ ಪುರುಷರ ವೀರ್ಯವನ್ನು ಮಹಿಳೆಯರು ಸೇವಿಸಿದರು ಸ್ಥೂಲಕಾಯರಾಗಲು ಸಾಧ್ಯವಿಲ್ಲ.

English summary
Lovemaking and men go hand in hand. Getting intimate with their partner is fine and normal but talking, walking and dreaming about sex isn't. Here are a few of the lovemaking myth men believe in.
Story first published: Monday, April 18, 2011, 11:34 [IST]
Please Wait while comments are loading...