ಕಾಮಕೇಳಿ : ನಿಮಗೆ ತಿಳಿಯದ ವಿಚಿತ್ರ ಸಂಗತಿಗಳು

ಅತಿ ಹೆಚ್ಚು ಲೈಂಗಿಕ ತೃಪ್ತರು ಇರುವ ಊರು

ಈಶಾನ್ಯ ಭಾರತದ ಮಿಜೋರಾಂ ರಾಜಧಾನಿ ಐಜಾಲ್‌ನಲ್ಲಿ ಸಮೀಕ್ಷೆ ನಡೆಸಿದ ಎಲ್ಲ ಪ್ರದೇಶಗಳಿಗಿಂತ ಹೆಚ್ಚಿನ ದಂಪತಿಗಳು ಲೈಂಗಿಕ ತೃಪ್ತಿ ಹೊಂದಿದ್ದಾರೆ. ಅಲ್ಲಿ ಶೇ.79ರಷ್ಟು ಗಂಡು ಹೆಣ್ಣುಗಳು ಕೂಡಿಕೆಯಲ್ಲಿ ಆನಂದ ಹೊಂದುತ್ತಾರೆ. ಸಮುದ್ರಮಟ್ಟದಿಂದ 3715 ಅಡಿ ಎತ್ತರವಿರುವದ ಐಜಾಲ್ ಪ್ರವಾಸಿಗರ ಸ್ವರ್ಗ ಮಾತ್ರವಲ್ಲ, ಅಲ್ಲಿ ನೆಲೆಸಿರುವ ದಂಪತಿಗಳಿಗೂ ಸ್ವರ್ಗಸುಖವನ್ನು ತೆರೆದಿಟ್ಟಿದೆ.

ಬಹುಸಂಗಾತಿಯ ಆಯ್ಕೆ ನೋ ಪ್ರಾಬ್ಲಂ

ಐಜಾಲ್‌ನ ಇನ್ನೊಂದು ವಿಶೇಷತೆಯೆಂದರೆ, ಗಂಡು ಹೆಣ್ಣುಗಳು ತಮ್ಮ ಸಂಗಾತಿಯನ್ನು ತಾವೇ ನೇರವಾಗಿ ಆಯ್ಕೆ ಮಾಡುವ ಸ್ವಾತಂತ್ರ್ಯ ಹೊಂದಿದ್ದಾರೆ. ಇಲ್ಲಿ ಲಿವ್-ಇನ್-ಪಾರ್ಟನರ್‌ಶಿಪ್ ಸಂಖ್ಯೆಯೂ ಉಳಿದೆಲ್ಲ ಊರುಗಳಿಗಿಂತ ಹೆಚ್ಚು. ಒಂದಕ್ಕಿಂತ ಹೆಚ್ಚು ಸಂಗಾತಿಯನ್ನು ಏಕಕಾಲದಲ್ಲಿ ಆಯ್ಕೆ ಮಾಡಿಕೊಳ್ಳುವ ಸಂಪ್ರದಾಯವೂ ಇಲ್ಲಿ ಅಧಿಕವಾಗಿದೆ. ಇದನ್ನು ಅವರು ಅನೈತಿಕ ಸಂಬಂಧ ಅಂತ ಕರೆಯುವುದಿಲ್ಲ.

ಲೈಂಗಿಕತೆಗೂ ಭಾವುಕತೆಗೂ ಸಂಬಂಧವೇ ಇಲ್ಲ

ಈ ಸಮೀಕ್ಷೆಯಲ್ಲಿ ಭಾಗಿಯಾದ ಶೇ.58ರಷ್ಟು ಮಂದಿ ಲೈಂಗಿಕತೆಗೂ ಭಾವುಕತೆಗೂ ಒಂದಕ್ಕೊಂದು ಸಂಬಂಧವೇ ಇಲ್ಲ ಎಂದು ಅಚ್ಚರಿಯ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ. ಲೈಂಗಿಕ ಕ್ರಿಯೆ ನಡೆಯುವಾಗ ಹೆಚ್ಚಾಗಿ ಒಬ್ಬರ ಮುಖವನ್ನೊಬ್ಬರು ನೋಡುವುದು ಅಪರೂಪವಾದ್ದರಿಂದ ಕಾಮಕೇಳಿ ನಡೆಯುವಾಗ ಕಾಮಕೇಳಿಗೆ ಮಾತ್ರ ಅಲ್ಲಿ ಸ್ಥಾನ. ಭಾವುಕತೆ ಏನಿದ್ದರೂ ಬಟ್ಟೆಯೊಡನೆ ಕಳಚಿಟ್ಟು ಬರಬೇಕಷ್ಟೆ.

ನನ್ನ ಹೆಂಡ್ತಿ ನಿನಗೆ, ನಿನ್ನ ಹೆಂಡ್ತಿ ನನಗೆ!

ಇದು ನಂಬಲು ಅಸಾಧ್ಯವಾದರೂ ನಂಬಲೇಬೇಕಾಗಿರುವಂತಹ ಸಂಗತಿ. ಪಶ್ಚಿಮ ಬಂಗಾಳ ರಾಜ್ಯದ ಅಸನಸೋಲ್ ಎಂಬ ಪಶ್ಚಿಮ ಬಂಗಾಳದ ಎರಡನೇ ಅತಿದೊಡ್ಡ ನಗರದಲ್ಲಿ ಸಂಗಾತಿಗಳನ್ನು ವಿನಿಮಯ ಮಾಡಿಕೊಳ್ಳುವುದು ನಿಷಿದ್ಧ ಸಂಗತಿಯೇ ಅಲ್ಲ. ಹೆಂಡತಿಯರನ್ನು ಲೈಂಗಿಕ ಚಟುವಟಿಕೆಗಾಗಿ ವಿನಿಮಯ ಮಾಡಿಕೊಳ್ಳುವುದು ಪ್ರತಿದಿನ ಗಂಡುಹೆಣ್ಣು ಕಾಮಕೇಳಿ ನಡೆಸಿದಷ್ಟೇ ಸಹಜವಂತೆ. ಏನು ಕಾಲ ಬಂತಪ್ಪ?

ಸಂಗಾತಿ ಬಟ್ಟೆ ಬಿಚ್ಚುವುದು ನೋಡುವುದೇ ಆನಂದ

ಕಣ್ಣೆದುರು ಸಂಗಾತಿ ಬಟ್ಟೆ ಬಿಚ್ಚುವುದು ಅಸಹಜವಾದ ಕ್ರಿಯೆಯೇನಲ್ಲ. ಇದು ಎಲ್ಲ ದಾಂಪತ್ಯಗಳಲ್ಲಿ ನಡೆಯುವ ವಿದ್ಯಮಾನವೇ. ಆದರೆ, ಮಧ್ಯಪ್ರದೇಶದ ರತ್ಲಮ್ ಎಂಬ ಊರಿನಲ್ಲಿ (ಜಬ್ ವಿ ಮೆಟ್ ಚಿತ್ರೀಕರಣಗೊಂಡ ಸ್ಥಳ) ಕಾಮಕೇಳಿ ನಡೆಸುವುದಕ್ಕಿಂತ ಹೆಣ್ಣು ತನ್ನ ಕಣ್ಣಮುಂದೆ ನಗ್ನವಾಗುವುದನ್ನೇ ನೋಡಿ ಕಾಮಪರವಶರಾಗುವಲ್ಲಿ ಹೆಚ್ಚಿನ ಆತ್ಮತೃಪ್ತಿ ಹೊಂದುತ್ತಾರಂತೆ. ಅಷ್ಟಕ್ಕೇ ನಿಲ್ಲಿಸ್ತಾರಾ ಮುಂದೇನಾದ್ರೂ ಮಾಡ್ತಾರಾ ಅಂತ ಮಾತ್ರ ಕೇಳಬೇಡಿ.

ಸಂಭೋಗ ತಪ್ಪಿಸಲು ತಲೆನೋವಿನ ಕಾರಣ

ಸಂಗಾತಿಯೇ ತಲೆನೋವೋ, ಸಂಗಾತಿಯೊಡನೆ ಸಮಾಗಮ ಮಾಡುವುದು ತಲೆನೋವೋ ಅಥವಾ ನಿಜವಾಗ್ಲೂ ತಲೆನೋವೋ... ಸೇಲಂನಲ್ಲಿ ಜೀವನಸಂಗಾತಿಯೊಡನೆ ಸಂಭೋಗ ನಡೆಸುವ ಸಂದರ್ಭ ಬಂದಾಗ ತಲೆನೋವಿನ ಕಾರಣ ಹೇಳಿ ತಪ್ಪಿಸಿಕೊಳ್ಳುವವರು ಜಾಸ್ತಿಯಿದ್ದಾರಂತೆ. ಇವರೆಂಥ ವಿಚಿತ್ರ ವ್ಯಕ್ತಿಗಳು ಅಂತ ಅನಿಸಲ್ವಾ?

ಕಾಮೋತ್ತೇಜಕವಾಗಿ ಆಟಿಕೆ ಬಳಕೆ

ಕೇರಳದ ಕೊಟ್ಟಾಯಂನಲ್ಲಿ ಶೇ.9ರಷ್ಟು ಜನರು ಮಿಲನ ಮಹೋತ್ಸವ ನಡೆಸುವಾಗ ಕಾಮೋತ್ಕಟತೆ ತಲುಪಲು ಸಂಗಾತಿಯ ಸಹಾಯ ಪಡೆದುಕೊಳ್ಳದೆ ಕಾಮದ ಆಟಿಕೆಯನ್ನು ಜಾಸ್ತಿ ಬಳಸುತ್ತಾರಂತೆ. ಕೇಳಿಯ ಸಮಯದಲ್ಲಿ ಸಂಭೋಗ ಸರಾಗವಾಗಿ ಆಗಲು ತೆಂಗಿನೆಣ್ಣೆಯನ್ನೂ ಬಳಸ್ತಾರಂತೆ!

ಒಂದೇ ಟೈಮಲ್ಲಿ ಒಬ್ಬರಿಗಿಂತ ಹೆಚ್ಚು

ಮಧ್ಯಪ್ರದೇಶದ ರತ್ಲಮ್‌ನಲ್ಲಿ ನಡೆಯುವ ಇಂಥ ಚಟುವಟಿಕೆ ಕೇಳಿದರೆ (ನೋಡಲು ಸಾಧ್ಯವಿಲ್ಲ) ಏನು ಅನ್ನುತ್ತೀರೋ? ಒಂದೇ ಹಾಸಿಗೆಯಲ್ಲಿ ಹೆಂಡತಿ ಪಕ್ಕದಲ್ಲಿರುವಾಗಲೇ ಮತ್ತೊಬ್ಬಳನ್ನು ಸೇರಿಸಿಕೊಂಡರೆ ಹೆಂಡತಿಗೆ ಯಾವುದೇ ತೊಂದರೆ ಇಲ್ಲವಂತೆ. ಹಾಗೆಯೆ, ಇಲ್ಲಿ ಸಲಿಂಗ ಕಾಮಿಗಳ ಸಂಖ್ಯೆಯೂ ಹೆಚ್ಚು.

ಗುಂಟೂರಿನ ಮೆಣಸಿನಕಾಯಿಗಿಂತ ಇದು ಸ್ಪೈಸಿ

ಆಂಧ್ರಪ್ರದೇಶದ ಗುಂಟೂರಿನಲ್ಲಿ ಲಿವ್-ಇನ್-ರಿಲೇಶನ್‌ಶಿಪ್ಪೂ ಬೇಡ, ಮದುವೆಯೂ ಬೇಡ, ಒಂದೇ ಒಂದು ರಾತ್ರಿ ಮಜಾ ಮಾಡಿ ಬಂಧವನ್ನು ಕಳಚಿಕೊಳ್ಳುವವರ ಸಂಖ್ಯೆ ಅಧಿಕವಂತೆ.