ರೈತನ ಮನೆಯಲ್ಲಿ ಕನಸು ಕುಡಿಯೊಡೆಯಬೇಕಿದ್ದರೆ...

 

SHARE THIS STORY

Tweet

ಇಂಥ ಸಂದರ್ಭದಲ್ಲಿ ಮದುವೆ ಮಾಡಿ ರೈತ ಮತ್ತು ಆತನ ಹೆಂಡತಿ ಒಬ್ಬರನ್ನೊಬ್ಬರು ನೋಡುತ್ತ ಮನೆಯಲ್ಲಿ ಕುಳಿತರೆ ಎತ್ತುಗಳೇ ಜಾಡಿಸಿ ಒದ್ದಾವು. ಚಕ್ಕಡಿ ಗಾಡಿಯನ್ನು ಹೂಡಿಕೊಂಡು, ಬಗಲಲ್ಲಿ ಕಟಕು ರೊಟ್ಟಿ, ಗುರೆಳ್ಳು ಚಟ್ನಿ ತುಂಬಿಕೊಂಡು ಹೊಲದ ಕಡೆಗೆ ಕಾಲು ಹಾಕುವ ರೈತನನ್ನು ಕಂಡರೆ ಎತ್ತುಗಳಿಗೆ ಅದೇನೋ ಪ್ರೀತಿ.

ನೋಟದಲ್ಲೇ ಮಾಯ ಮಾಡುವ ಹೆಂಡತಿಯನ್ನು ಆಷಾಢದಲ್ಲಿ ಕೂಡಿ, ಹೊಸ ಜೀವಕಳೆಯ ಕನಸನ್ನು ಕಾಣುತ್ತ ಬೆಚ್ಚನೆ ಮನೆಯಲ್ಲೇ ಕುಳಿತರೆ, ಇಳೆಯಲ್ಲಿ ಬೀಜ ಬಿತ್ತಿ ಮೊಳಕೆಯೊಡುವುದು ಯಾವ ಕಾಲದಲ್ಲಿ. ಈ ಕಾಲದಲ್ಲಿ ಏಕಾಗ್ರತೆ ಕಳೆದುಕೊಂಡು ಮೈಮರೆತರೆ ಇಡೀ ವರ್ಷ ಅರೆಹೊಟ್ಟೆಯೇ ಗ್ಯಾರಂಟಿ.

ಹೀಗಾಗಿ ಹೆಂಡತಿಯ ಬಿಸುಪಿನ ಅಪ್ಪುಗೆಯಲ್ಲಿ ಗಂಡ ಮೈಮರೆಯುವ ಮುನ್ನ ಹೆಂಡತಿಯನ್ನು ತವರು ಮನೆಗೆ ಕಳುಹಿಸಲಾಗುತ್ತದೆ. ಬಿತ್ತುವ ಕಾರ್ಯ ಮುಗಿದು ಬೆಳೆ ನಳನಳಿಸುವ ಸಮಯಕ್ಕೆ ವಾಪಸ್ ಬರುತ್ತಾಳೆ. ಆಗ ಮತ್ತೊಂದು ಕನಸು ಕುಡಿಯೊಡೆದಿರುತ್ತದೆ.